طااااااااااااااااااط بيييييب بيب قال وهو يسمي بالله ويقرا الفاتحة ويقرا الموضوع ويكمل عالردود ويشمر عن ساعدية الكريمتين ويستعين بالله ويبدا الاقلاع >>> > اربطو الاحزمة نبدا مع طويل العمر وصاحب الباع الطويل والخبرة الكثيرة والشهرة الكبيرة >>> > لحظة ابي اتخيل وجة المشاكس وهو يناضر الرد استغفر الله خلونا نكمل بس وين وصلنا ايه عند طويل العمر اللي هو محمد >>> >ياولد ترى طويل العمر ما تنقال الا لابليس الله يصلحك >>> > والله ياخوك هالشي مو بذنبي كل يوم اسمعها وجالس اقلد لا يكون بعد التقليد حرام الحين هالسمج والفاهي واللي مستخف دمه رجع وجاب معاه السماجة للمنتدى < <<< انواع المحشات الله يسامحكم.. لا ابشركم ترى ما افلها الا عندكم وهناك تعامل مكاتب رسمي وحازم> امام نعود لمحور حديثنا اقول الغالي والعزيز الاستاذ محمد غني بفكره وتفانيه لتطوير المنتديات ومثل اللفته البسيطة ماهي بغريبة علية.. ربي يوفقة ان شاء الله ويقوية ننتقل الان الى البش مهندس عادل طبعا في البداية نرحب فيه ونسعد بوجوده بيننا ونقول له كل سنة وانت طيب >>> >اشوف المواهب ما تفلتو الا بعد ما غاردتكم ماشاء الله صار في مختصين في تصميم وفي شعراء وادباء وقاصين والخ والخ >>> >ادري عن حظي مقرود >>>> تكفى ترى طالبينك نبي نشوفك تعاملك وانت رسمي ورزين طيب حبيب البي عدول تصدق لفت نظري الى اشياء ما كانت تخطر على بالي.. يعجبني الشخص الجري واللي يعبر عن رايه بكل حرية لاني احس فيه الثقة وروح المحبة للشي اللي ينتمي له وهذا شي طيب منك ونتمنى نشوف هالشي في بقية المجموعة واقصد بالمجموعة جميع من في المنتدى.. اخوي ترى ندري ان معانا اشقاء من كل الدول العربية والمنتدى عربي وملك لاعضائه وين ما كانو مو بملك لاحد وهالقاعدة اول ركيزه قام عليها المنتدى لكن ما يمنع انك تذكر او حتى تنصب نفسك محامي عنهم عادي ما عندك مشاكل بصراحة عزيزي الفكرة اللي جبتها حقت البطاقات مسبقة الدفع جداااا رائعة بس يا خوي في ناس ما يبونها ويبون نقدا والبنوك موجودة والحولات الحمد لله ميسرة شف انا شخصيا عجبتني الفكرة مؤيد وبقووووووه الا لو صار في معارضين من المشاركين... ومؤيد بعد لفكرة الغاء الرسائل الخاصة.. الى الان وكلامك منتاز لكن بعدها زعلتني منك وش اللي تحيز وتصفيه حسابات الله يحفظك ياخوي ترى مثل هالكلام خطير يعني هلحين علشاني في اللجنه واعرف عضو اقوم افوزه واظلم غيره والا علشان حصل بيني وبينك مشكله اقوم واحط حرتي فيك في مسابقه ثقافيه هدفها اثراء ثقافتنا الاسلاميه والعامه ؟!! شف طال عمرك بقلك على شغله باعتبارك تقول نصيحه محب انا واعوذ بالله من كلمة انا صار لي سنين وانا شغال على المنتديات وكنت مراقب في هالمنتدى قبل ما تجي والحين مراقب في منتدى ثاني >>>> ياهللقب ذابلن كبدي بحكيك سوالفي ابد فاضي ما وراي شئ المهم طال عمرك عندنا عضوة عفريتة جنية سمها اللي تبي.. معدل مشاركاتها في اليوم يوصل 130 مشاركة لاحظ اني اقول المعدل مو بالمشاركات اليومية واحيان الظاهر 24ساعة ما تقوم من على النت اللهم لا حسد.. وللامانة البنية تكتب مواضيع قوية وعليها ردود محبوكة بس رافعة ضغطي ما لقت هواية الله يحفظها غير هالمحشات والتقطيع في الاعضاء وتعال شف الله لا يوريك حتى اللي ما تعرفهم وتو جدد ناشبة في حلوقهم وكل يوم وانا اشيك وراها احيان اقولها مشكوووورة واحيان تعديل واذا مسختها حذف صارت ما تطيقني ولا تبي تشوف خشتي الجميلة وترى محشاتها عادية مهي بذيك اللي مرة مالها سنع بس تخبر ما كل الاعضاء يتقبلون المزوح.. اللي ابي اقوله ان طول الصيف وانا واياها مثل توم وجيري جابتلي انواع الزكام وربي هالشهر الشهر الثاني على التوالي اللي مختارينها افضل عضو وانا اول من يصوت لها.. يا اخوي ترى هذي امانة والمواقف الشخصية اللي تقول عنها ننساها من اول من نوصل للجد وما في مشرف والا مراقب والا عارف هالكلام.. ترى ما كثرت حكي وبربره الا بعد ما شفت كلمه محب >>>والله مدري لايكون من الرخيص وحتى احنا بعد نحب كل اعضائنا وسبق وقلتها اكثر من مرة ان ما عندنا تفرقة بين عضو ولا اداري وكلنا اخوان وهالمسميات والمناصب هدفها الاول والاخير تنظيم المنتدى مو بتسلط وتفريق ومن هالكلام اللي للاسف في راس كثير من الاعضاء تو الحين شايف رد يقول البنات اللي يترقون والشباب الله لهم.. استغفر الله مدري هالافكار من وين تجيبنوها الدعوه مو ببنات والا اولاد الدعوه عمل وحضور والاختيار يكون للشخص اللي يملك الكفاءة المطلوبة حسب معايير متعارف عليها عند هل المنتديات.. ولكل مجتهد نصيب المهم ياعزيزي احسن النية وهذه لجنه يعني ما تقل عن ثلاثة مبواحد علشان نقول ما عليه لوم يخاف يظلمه وترى سمعت ان الاختيار بالترشيح لو تبي رشح نفسك واحتمال يصوتون لك وتصير الرئيس على فكرة ترى اللجنة الى الان ما تشكلت ونتمنى نشوف من الاعضاء من يشارك فيها والدعوة عامة للجميع ويمنع اصطحاب الاطفال وجوالات الكميرا