تـجــرّك الخطــــوه على دروب الأســــفار
وتعْصف بك ريـاح الدهــر والنوايب
هذي تصاريف الليــالي والأقــدار
تمســي غــــريب وتبـتـعـــد عن حـــبايب
وحـيد حار الدرب في وجْهَـتك حار
غــريب وصروف الليالي غرايب
ياليل مالي في دجى ظلمتك نار
أضوي بها درب مشته الركايب
سافرت ودموعي على الخد مدرار
والقلب من حر التناهيت ذايب
ودعــت ربعــاً كنهم بيــض الأقـمـــار
فـــارقـتــهم من دون ذنـب وســـبايب
ماخـنـتـهم بس الزمن كان غدار
وش للزمن يرمي علي المصايب
دارت رحى الفــــرقـى ودار الزمن دار
وسـوَّت بي أحداث الزمان العجايب
في كل أرض دجت دقَّيت مسمار
ويعود مسماري عن الأرض نايب
يارحلة الغـــربه غـدى العـمر مشوار
أستسمحك يادار لو صرت غايب
مليت من ضــوضـا المدينه والأنوار
وفوضى الشـوارع والسفر والحقــايب
زرعت في صــدري من هــــمــومي أشجـــار
واسقيتها بدموع عيني صبايب
وتعـــــبـت أدور لـــي عـــــــــذر مالي أعــــذار
مـــــاكـنت أنــا مخطــي , ولا كــنت صـــــايـب
أســامر نجـــوم الليالي بالأسحار
وحــيد , حتى البدر ياليل غايب
ماينشرح صدري يكـن شــبة النار
في خــبتٍ أجْـرد كل مافيه هايب
وأنا الذي داري تمارى بالأنظار
فوق الجــــبال النايفـات الذرايب
هناك لي صحــب وحـــــبايـب وســمار
وهناك ربعــي والأهـل والقـرايب
وهناك عشْقٍ لليـــالي والأشعار
ما أتوب عـنَّه لو غدى الراس شـايب
جلسـة ســمر مع دندنة عود وأوتار
وتمـر حولي ســاريات السحايب
وأغصان تتْـرنَّـح تقل فيهم اسْـكار
مثل الذهب لون الغصـون الذهــايب
والصــيد له في داخــلي حــب واعـمار
مع القـنص صـــدري من الهـــم طـــايـب
تذكــار ياذيك الســواليـف تذكــار
لامن ذكـــرتك عـوَّد القـلب ذايب
في ذمـتك يا قلــب ما اشـــتقت للدار
وياعين ما اشـــتقتـي لشــوف الحــــبايب
يا صـــاحبـي في داخلي ســور ينْــهار
إنْ مـرَّت الذكــــرى مرور الهــبايب
ياهـيبة الذكرى على قلب مغوار
لاتشعـليني خـــوف ماني بهـايب
أدري هــمومي جـمّْ ,, وذنــوبي اكـــثار
وأدري على مثلي تنـوب النـوايب
وأدري بعــد ربـــي عـــزيزٍ وغفَّـــار
لـه ألْتجــي وأنـا من الذّنـب تـــايـب
...... ...... ...... ...... ......
كــلمات أعجــــبتني , إحـساسها لــ المملكــه ...
...... ...... ...... ...... ......