وعدتك اني ارجع اعقب ووضح رايي واليوم الحمد لله مروق وان شاء الله ربي يعيني وقدر اوصل فكرتي بشكل صحيح راح ابدا من ردك الاخير "عندما يكون لدى الانسان قناعة بما يقول فنتاج ذلك إما توافق مع قناعات الغير أم بالعكس تعارضها " احيانا تتغير قناعاتنا في لحظة بمجرد ما نجد السبب او المسبب لتغييرها ! طبعا هذي مو معناه ان قناعتي السابقة تغيرت في موضوع الاضافات والردود الطويلة مع اني ما انكر اني اعجبني تفكيرك وكلامك وخاصة عن تصحيح المعتقدات واساليب التفكير الخاطئه ولو ان هالقضية صعبة ويمكن تكون مستحيلة الحل ، وغالبا ما تاخذنا لجدل وكلام لا يودي ولا يجيب والمتابعين للنقاشات القائمة بين المذاهب الاسلامية او الاتجاهات السياسية يعرفون هالشي و الا لما رأينا معظم -العلماء - يتجنوبون مثل هالبرامج لضرها اكثر من نفعها . عموما ما بندخل في موضوع ثاني اللي انا قصدته من كلامي السابق وقلت ان من الافضل نذكر رأينا باختصار وذكرت سببين يمكن ما اقنعتك او ما تصورتيها بالشكل اللي دائم تصير عليه ولا عشتي تجاربها في ان بعض الردود وخاصة الطويلة او المعاكسة وحتى الاضافات المميزة غالبا ما تسبب احتقان بين الاعضاء !! وراح افسرها واذكرمواقف شفتها بعيني وعايشتها شخصيا في اكثر من منتدى مواضيع مميزة كاتبها يتعب عليه وينثر فكره وابداعه وبعد ما يطرحه يدخل عضو ويكتب رد مخالف يمكن سوال او اضافة مختلفة ثم... ينحرف مسار الموضوع 180 درجة ويتغير اتجاه كل المشاركين وينسوا الموضوع الاصلى !! هذي حالة الحالة الثانية شخصا ما يكتب موضوع فلسفي او ادبي او حتى ارشادي نصائحي مو مطروح للنقاش مجرد تعبير عن افكاره ورؤيته وفلسفته يدخل احد ويعارضه او ينظر اليه من زواية مختلفة،،، الاخ كاتب الموضوع يشيلها في قلبه ويقعد يترصد في كل موضوع حتى في الاسلامية الا يبي يردها له ويكتب رد مختلف ! مجرد ثأر ورد اعتبار الحالة الثالثة وهذي صايرة معاي وهي حمى الاحزاب قبل فترة كتب شخص عزيز على قلبي واعرفه معرفة شخصية كتب موضوع اقتصادي -في منتدى اقتصادي- الموضوع كان عن البضائع الآسويه والغربية ،، كنت معارضة في نقطة معينة ووضحت رايي باللي اشوفه انا في حدود نقاش عادي واختلاف وجهات نظر بسبب رغبات شخصية من منظور اقتصادي بحت وانقسموا الربع لفريقين وصارت هوشة وكل يبي يفرض رايه زي لو نزلت البقالة وسالتك وش تشربي وطلبتي سيزر تفاح وابتديت اقنعك الا اجيبلك عصير طماط اساس الاختلاف ديني بحت مع انهم كلهم كفار بالعكس هذولا اهل كتاب واليابان والصين ربهم في الارض المهم اللي حصل ان الموضوع تشعب وكبر وقامت الاحزاب وسالفة الاحزاب موجودة في كل منتدى انت صديقي اوقف معاك على الصح والغلط وهذا اللي صاير للاسف لدرجة جاتني رسائل على الخاص يقول اللي دازها ترى رائه هو الصح بس تراي وقفت معاك !! يعني انتبه تراها جميلة لا تنساها المرة الجايه يا ويلك لو ماوقفت في صفي والثاني كاتب رأي مدري وش يبي ويومن نساله بعدين يقول اصلا انا ماني مقتنع فيه مير ودي اني اعبر عن رائي العامة !! ما شاء الله موكلينه محامي ويدري وشفي قلوبهم والرجال اللي كاتب الموضوع يقول صاير معاه نفس السالفة اللي ايديو رائه لانهم اصدقائه وما ودهم يتفشل ويطلع رايه ماله قيمة على حد تعبيرهم هذا الكلام في منتدى كل المشاركين فيه اعمارهم فوق الثلاثين ومتعلمين وبعض اللي ذكرتهم اقسملك بالله دكاترة ومحاضرين وبعضهم خبراء ومحللين اقتصاديين وماسكين مناصب كبيرة في هئية سوق المال! الدعوة مو في الثقافة ومستوى التعليم الا احيانا ما تجي الا منهم الا الحليلين ما يعرفوا يتفلسفوا ويدخلوا في نقاشات كل الهدف منها تروني حاضر بعضهم للاسف اصبحت عادة لدرجة ان ردوده كلها اتجاه معاكس !عشان يقولون عنه مثقف الحين وبعد هالمقدمة عدينا مرحلة التمهيد والحين ندخل في المفيد نفترض انك قمتي بتصويت واستفتاء شامل لمتصفحين المنتديات (اعضاء وزوار) نمط التصويت : عندما تقوم بالتصفح هل بعد قراءة الموضوع تقوم بقراءة الردود : 1- نعم 2- لا 3- احيانا 4- في قسم الحوار والنقاش الجاد فقط ووضعنا هالتصويت في كل منتدى والجميع يقدر يشارك برائه حتى الزوار وش تتوقعين النسبة لو توقع تقريبي ؟!! تقريبا "لا" تستحوذ اعلى نسبه وبعدها الحوار والنقاش يمكن عشان عارف وينه داخل وعنده القابلية يسمع اراء مختلفة حتى لو طويلة راح اقربلك الفكرة اكثر اذا ردود او ما اسمية موضوع وبعده مواضيع تسبب لنا مشاكل واحراج او ان ما يكون منها ذيك الفائدة ويمكن ما احد يقراها اساساً حتى من الاعضاء افضل،،،، والا الاضافة اللي نبي نضيفها في رد نضعها في موضوع آخر او ننزل موضوع في النقاش الجاد واقول انا معارض الفكرة اللي في الموضوع الفلاني تعالو ناقشوني .... ايهما افضل؟؟؟ لاني بصراحة شفت بعض الردود اطول من الموضوع الاصلي اخيرا تبقى هذي كلها وجهات نظر تحتمل الصواب والخطا وانا شخصا احترم رائك كثيرا واقدره ولا اخفي اعجابي الكبير بلقب الشهلآ الذي لا نعلم ما يخفي وراءه !ايا كان فهو شخصية رائعة متفهمة جمعت جاذبية الاسلوب ورجاحة العقل ! اعتذر على الاطالة ولك ولقلمك كل التحية والتقدير