يمه فديتـك مـن همـوم الليالـي
يمه عسى ما شـر شفتـك تونيـن
يمه خذي مالـي واخـذي حلالـي
يفـداك يـا يمـه وأنتـي تعرفيـن
يمه تـرى منسـى خيالـك قبالـي
يمه خيالك مسكنـه داخـل العيـن
إليا سمعت الصـوت ينسـر بالـي
وانسى هموم الوقت وانسى الدواوين
يمه ترى الجنـه معـك والمعالـي
يمه قدم رجلك أحطه علـى العيـن
أذكـر زمـان اول وانـا فالدَلالـي
أذكر تعبتي معـي وانتـي تربيـن
من كثر ما ركض من يمين وشمالي
واتعبك ما همي سوى اللعب تدريـن
وتقولي اجلس يـا وليـدي ومالـي
وانا مع الشارع ولعـب الوراعيـن
احيان اقول إنـي صغيـرٍ وسالـي
العب مع الجهال لعـب الشياطيـن
يوم اتذكر وش جرى فـي خيالـي
مدري عن الأيام وشلـون تمشيـن
يوم إني اكسر خاطـرك مـا ابالـي
ما همنـي يمـه صغيـر ومسكيـن
واذكر زماني يـوم اشـق الريالـي
يوم الهلل والقرش يسوى الملاييـن
يا حسرتي يا وقتي اللـي مضالـي
يوم(ن) اشوفك طول الأيـام تبكيـن
مدري مـرض ولا همـوم تصالـي
مدري تعب مدري كثر ما تحسيـن
يمه عسى روحـي وحالـي ومالـي
فدوه لدمعـك يـوم للدمـع تخفيـن
يمـه لـو الأيـام تشـرح سؤالـي
سألت أنا الأيام وينـك وانـا ويـن
وسألت دمعـك يـوم بـل الشيالـي
يا دمعة تسـوى كنـوز السلاطيـن
وسألت حر الشمس ويـن الظلالـي
وسألت قمرى الليل ما نورت زيـن
يمه أبي منـك السموحـه ولا لـي
مطلب سوى تعفين عني وترضيـن
واخذي مـن الدنيـا ودوك العيالـي
أنتي لنـا الراعـي وحنـا رعييـن
وستأذنك وقتى تـرى مـا صفالـي
ادعي لمن ضاقـت عليـه الفلاتيـن
ادعـي لمنهـو بيـدتـه الليـالـي
عسى زمان راح يرجـع وترضيـن
وصلاة ربـي عـد رمـي النبالـي
على نبـيٍ وضـح الحـق والديـن
====================
يا يمه منتهي جيتـك وطالـب منـك الغفـران
اقبـل قاعـة اقدامـك واغسلـهـا بدمعـاتـي
يـا يمـه كـل مافينـي يناديلـك انـا ندمـان
طلبتك قولي سامحتـك ردي لوجهـي بسماتـي
انا ادري قلبك الطيب **رته بصدمت النكـران
غلطت وغلطتـي هـذي تعيـر كـل غلطاتـي
تشوفي الشيب يا يمه ترى ماجا وانـا فرحـان
وربي الـي رفـع ذاتـك ونـزل لـردى ذاتـي
فقدت الراحه من بعدك فقدت الطيبه والتحمـان
بدونك راحتـي غايـه بدينـك هـذي راحاتـي
انا بعدك ولا حاجه انـا بعـدك تـرى عميـان
اشوف ولا اشـوف الـي يورينـي مساراتـي
انا وسيد الشقا والهم من بعدك غدينـا اخـوان
يجيب اهموم هـا العالـم ويرميهـا بمتاهتـي
صدقتي يوم قلتي لي تدين اليـوم بـس تنـدان
رميتك فـي بدياتـي ورمونـي فـي نهاياتـي
انا من شالك بايـده ورمـاك باسفـل البركـان
نخيتنـي وطلبتينـي ولا حصلـتـي نخـواتـي
مثل ماهنتي بعيوني عليهـم قلبـي يمـه هـان
رموني وطعتهم فزعه وانـا الدمعـات فزعاتـي
يايمـه لا تظنينـي انـا مـن فعلهـم زعـلان
سوات فيـك سويتـه وسـوو فينـي اسواتـي
يـا يمـه يالله ضمينـي ودفينـي بهالاحضـان
انا ادري فيك مشتاقـه وهمـك بـس ملاقاتـي
يا يمه حيل ظمينـي ابـي ارتـاح انـا تعبـان
تعبت اهرب من ذنوبي ابيـك آخـر مسافاتـي
ابسمع منك اي كلمه نسيتـك مسمعـي ولهـان
ابسمع يمـه بصوتـك ابذكـر فيهـا نشواتـي
اشوفك ساكته يمـه غفيتـي ولا انـا غلطـان
غفيتي يا بعد عمري تعبتـي مـن مواساتـي ؟
يا يمه يايمه طالبك قومي اذا لي بعيونك شـان
اشوف االموت بعيونك عساها بخيـب هقواتـي
تعالوا يا بشر شوفوا انـا محتـار انـا تلفـان
انا امي مدري وش فيها انا مدري انـا احاتـي
شنـو امـي انـا ماتـت لا لا تـرى غلطـان
انا امي مـا تخلينـي علـى حزنـي ووناتـي
انا امي قلبها طيـب ولا يمكـن تبكـي انسـان
انـا امـي مـا تبكينـي ولا تتمنـا اهـاتـي
يا يمه صح مامتي ؟ وصح الموت تو ما حـان
اذا متي انـا بعـدك ابقضـى ويـن ساعاتـي
يا يمه قومي يا يمه وقولـي المـوت لا ماكـان
انا جيتـك وانـا نـاوي انـدي فيـك جناتـي
تركتيني ومتـي ليـه تركتينـي وانـا غرقـان
ولا مسمـوح يـا وليـدي ولا تلعنـك لعناتـي
انا الجاني وانا المجني وانا المخطي وانا الندمان
انـا بيـدي رميتـك ايـه وبعثرتـه ملفـاتـي
وجيت من الهنا مفلس وقلبي من الضنا خسران
تركتينـي علـى نـاري اعـدد فيـك زلاتــي
ولاني مرضين ربـي ولانـي تابـع الشيطـان
انـا بعـدك تـرى مابيـن نهاياتـي وبداياتـي
يا يمه منتهي جيتـك وكـل مرتجـي غفـران
وشفت النـاس تعلنـي وتحذرنـي مـن الاتـي
====================
لكـ الشكر
وتقبل مروري