[ابو محـمـد]

رجاء ماحد يقول لي اشرح لي النكت لإني انا مو فاهم هههههه




==========================

1. غبية قرت بجواز رجلهه مكتوب( رجل اعمال) گالت سواهه الكلب واتزوج عليه.

2. بخيل گال لجهاله اللي ينجح هالسنه اراويه سيارة الموطا.

3. بخيل گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.

4. بخيل دز ابنه على تلث گرص خبز من رجع الابن گاله ابوه : بابا رجّع وحده امك ماتت.

5. بخيل أحترگ بيته دگ عالأطفاء مره وحده وسد التلفون.

6. تلث بخلاء نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟

8. واحد بدائي گال لأبنه إذا تنجح اجيبلك مدرس خصوصي مُـلـُـك..

9. مدرس سأل طالب غبي گاله: أبوك شگد عمره گال ما أدري أستاد بس هوّه من زمان عدنه.

10. غبي خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه منو.

11. غبي سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.

12. واحد بدائي يسوق تكسي ركبوا ثنين رايحين لملعب الشرطه گالوله:إذا ممكن نادي الشرطه الله يخليك.. گال: ليش متحلّوهه بيناتكم اخوان.

13. واحد مشايف وصار عنده فلوس وگف يفوّل سيارته بالبانزين خانه..شاف بنات بسياره ثانيه..گال للعامل:بالله فوللي بعشرتالاف دينار بانزين.

14. صاحبه وياه بالسياره گاله مادام راح تفوّل بهلگد أكيد راح تطول اروح للكشك اجيب عصير واجي شجيبلك وياي گال له: اللي يعجبك.. راح جاب عصير إله وقلم جاف لصاحبه.

15. غبي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.

16. غبي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره.

17. غبي سوه عملية رفع كليه فنجحت العمليه گال والله مدام هيچ لآكررها.

18. گالوا لغبي :شنو رأيك بالموز؟ گال والله طيب لوما نوايته چبيره.

19. غبي أشتره مرايه وتباوع لروحه بيهه گال ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه گال: لك هذا أني..

20. غبي أشتره مرايه وتباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..

21. غبي أشتره سياره شبح كتب عليهه تره: ميخوّف موعبالكم.

22. واحد وگـّف تكسي گال له: فارغ؟ گال: نعم گال :متنزل نسولف شويه نگضي وكت.

23. لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.

24. واحد كمّل دراسه بالخارج ورجع لأهله شاف عدهم زمال .. گال :الحمد لله كمّلت دراسه من دونهم.

25. غبي گال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.

26. واحد خبيث سوه حفلة زواج.. وزع بطاقات بيهه الجمره الخبيثه.

27. واحد خبيث إشتغل مدير دار الأيتام..گاللهم راح أسوي أجتماع مجلس الآباء.

28. حرامي خبيث طب لبيت يبوگ مالگه شي..خابر رقم بأمريكا وخله السماعه مرفوعه للصبح.

29. صرصر خبيث عزم جماعته عالعشه يمّه..أول ما إجوا..سحب السيفون عليهم.

30. غبي رادوا يعذبوه انطوه ورقه مكتوب عليهه من الوجهين (إقلب الصفحه)

31. برميل سأله لصاحبه:وين هالأيام؟ متنشاف؟ گال له: والله موفارغ.

32. غبي فتح باب السياره يريد ينزل شاف المطر قوي..سدهه ونزل من الباب الثانيه.

33. واحد گال لأبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه.

34. بخيل اتزوج راح شهر العسل بوحده.

35. محجبه لابسه قصير.. گالولها: ليش؟ گالت: حتى أرضي الله وعباده.

36. سعدي الحلي شاف برنامج(وراء الحدث)..قال حته بهذي لحگونه؟

37. اثنين إعجوزچيه..واحد اتثاوب ..الثاني گال له: ميدام فتحت حلگك متصيحنا على ماي صارلي إسبوع عطشان.

38. بخيل ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.

39. غبي ديسوق دعم اللي گدامه..نزل ذاك گال له: شنو..چنك ماشايفني؟ گال: والله شايفك.. بس ما أتذكر وين.

40. غبي حاول يتزوج عله مرته...طلعت هيه نفسهه.

41. غبي گال له إبنه: بويه لازم أدرس بالخارج..گال:وأخوتك وين يخرّون؟

42. حشاش راح يشتري حشيشه..شاف الشرطه بالشارع..ذب الفلوس وأنهزم.

43. غبي سال أبوه: بابا منين چنتوا تشربون ماي گبل؟..گال أبوه: من العيون إبني..قال: بابا لعد ليش هسه من الحلوگ؟

44. غبي انسرقت سيارته..ركض وراهه ورجع گال:هم زين أخذت رقمهه .

45. غبي سوه دعوه سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه..بهل حوالي..المهم أقل من تسعميه.

46. غبي شاف واحد ويه مرته..جر المسدس عليه..ذاك گال:لك هذي الكاميرا الخفيه.. الغبي گال:خره بعراضكم..ماكو غيري؟..هاي خامس مره تنكتون بيّه.

47. واحد جاب شاهد زور يشهدله بالمحكمه گال: أريدك تشهد أني اطلب فلان مليون دينار..گال له : ليش لهسه ما سددهن؟

48. واحد حب يتحارش بوحده وياه بالجامعه..طخهه فوگعن كتبهه..گام لمّلهياه كلهن..گالت له: شكراً..عذبناك..گال: بالعكس.. لاعذاب ولا خره.

49. غبي حشاش دينظم ميزانية المصروفات گال:هاذي ألف للكهرباء..هاذي للأكل..هاذي للحشيشه..اندگت الباب رأسأ..وإذا الشرطه..گام رأساً مزّگ فلوس الحشيشه.

50. صيدلي إجاه واحد گال له: عندك دوه للصراصير؟ گال له:خير شبيهن؟

51. شيخ جامع سكران..مرته حسّت بيه..گالتله:سكران؟ گال:لا..گالت زين أقرالي سورة(البقره) گال:بسم الله......لافاش كيري..لافاش كيري.

52. شيخ جامع خله( أنسرمشين )مال تلفون..كل اللي يخابر يگول له:الشيخ غير موجود..أترك رساله بعد سماعك سورة البقره.

53. غبي خابر الشرطه گاللهم:أكو حادث بيه خمسين سياره مگلوبه..إجوا لگوه يخابر من يم السكراب مال كسره وعطش.

54. عزة الدوري دخل على صدام رافع أصبعين(علامة النصر)..گال صدام:ها إنتصرنا؟ گال:لا بقينا بس إثنين.

55. محشش كمشوه الشرطه گالوله :تفضل بالسياره ويانه..گال:لا شكراً بيتي قريب.

56. غبي زعلان ويه عائلته..دزلهم رساله فارغه.

57. غبي گال لمرته: اليوم تخرجت من الكليه..گالتله: ليحسدوك عله ذكاءك.. دگ الخشب..گام دگ عالقنفه..گالت: منو؟..گالهه:گعدي إنتي.....أني أفتح.

58. شيخ جامع دخل على جماعه يحششون..گاللهم:حرام عليكم..گالوله كلهم: وعليكم الحرام ورحمة الله شيخنا.

59. غبي گالوله شنو أصعب موقف بحياتك؟..گال من ازين لحيتي وأني أعلچ.

60. واحد عجزان..أسبوعين واگع بحفره يصيح محد يطلعه..أخير شي گال: أيست من البشر أطلع بوحدي.

61. اللاخ هم عجزان ..گل لمرته: خططي ظهري مربعات ورقميهه من الواحد للميه وحكيلي رقم 72

62. واحد ديمشي عالجسر ويگول: أيباه غير بالكونه ضخمه!!

63. مصري شاف وحده تستعمل الشسوار..گال: وإحنه ليهسه بالصعيد نگصع الگمل بدينه.

64. مصري يگل لدليمي: إنته بتستعبطني ولآ إيه..الدليمي گله:أسطع بطنك وبطن الخلـّفوك.

65. غبي راح لطبيب عيون گالّه: دكتور من أغمض بعد مأ أشوف.

66. واحد طلعله بيت بالجنه..فلّشه وسواه دكاكين.

67. واحد سألوه: إشگد كلفتك الروحه للحج؟ گال: خمسطعش ورقه غير المشروب.

68. محشش يگل لصاحبه: تصور كيلو اللحم بنص دينار ..صاحبه گال: عجيب !!وين هاي؟گاله: دا أگللك تصور.

69. واحد الله وفقه بنه بيت ضخم الباب مالته من زجاج..گام حطلهه عين سحريه.

70. بخيل زوّج ابنه..گاله: بابا..تره هذي إنته وأخوتك بيهه.

71. غبي خابر مكتب خطوط ..گاللهم: بالله شگد تستغرق الرحله للهند؟گاله الموظف: لحظه..سد الخط وگال لصاحبه: لا موبعيده كلش.

72. واحد يگول: أحسن خمس أشياء بالدنيه..الچاي والگهوه.

73. بخيل گال:إذا إجاني ولد أصوم خمس تيام..صار عنده ولد..صامهن..وره فتره مات الولد..گال:إلا أخصمهن من رمضان.

74. واحد سأل صاحبه: اليوم سبت لو أحد؟ گال:الأثنين..گال:سبحان الله..چفته وحده!!

[ghania]

نكت لازملها جلسة مطولة

راح ارجع واكملها .

احلى شىء هو قراءة النكت

شكرا لك مشاكس .سنتليون هههههههههههههه

[ابو محـمـد]

شدي حيلك واكيد شيء ممتع انا نقرأ نكت
وجودك اسعدني
وتعليقك تشكرين عليه
واذا فهمتي فهميني
سنتليون شكر

[ya Nasiny]

حلوهههههههههههههههههه

بالعكس واضحة ومفهومة يالمشاكس

انت بس حول الكاف الى قاف والهاء في اخر الكلمة الى الف وبعدها اذا حولك اي شي قابل للكسر بعده عنك علشان تضحك بعنففففففففففف وبراحتك

[sara]

ههههههههههه
انا فهمتها كلها هههههه
بس لو كملت للمئه ...
مشكوووووووور ياالمشاكس الله يعطيك الف الف عافيه..

[ابو محـمـد]

اها تسذا يا ناسيني فهمت
سارا تبيني ميه بعد ههههه
سعدت بتواجدكما
فشكرا
سنتليون شكر

[ذكريات]

يسلموووووووو المشـاكس 00

[ابو محـمـد]

شكرا مس ذكريات
اسعدني مرورك
الف شكر

[واثق الخطوه]

هههههههههههههههههههههه


فله النكت العرآآقيه نصهآآ فهمتهآآ والنصف الآخر ولآ كلمه فهمتهآآ



يسلموووووو خيوووو المشآآكس على النكت

[نينا]

ههههههههههههههههههههههههه
أنا حضي ما حد قام من نومة كثر ما أضحك
تسلم على النكت