السلام عليكم ورحمة الله وبركاته
سجين سعودي تخرجه قصيدة أمه الموجهة إلى الملك عبد الله وأثارت ردود أفعال بين أوساط المجتمعين السعودي والبحريني
تكفا يا ابو متعب مقرّ الشهامـه… الحيل واهن والزمـن مبتلينـي
إطلاق سراح سجين سعودي في البحرين ، إثر تدخل خادم الحرمين الشريفين الملك عبدالله بن عبدالعزيز شخصياً
وهذه هي القصيدة اللي كتبتها أم السجين
غيري ينام ومهتني في منامـه ... وانا لذيذ النـوم مـازار عينـي
سهرانةٍ والليل مُوحش ظلامـه ... يجمع لي احزاني ويدعي ونينـي
ولّيت ياليـل الأسـى والندامـه ... همّـك توَطانـي وبيّـح كنينـي
أبغا السلامه بس وين السلامـه ... عيني تشوف وقاصراتٍ يدينـي
غيّب ضناي وغابت الإبتسامـه ... حُكم المقدّر حال بينـه وبينـي
سجين ماأشوفه ولا أسمع كلامه ... ماغير طيفه كل لحظـه يجينـي
والسجن في الغربه يهز الكرامه ... ياحرّ كبدي بعد فرقـا ضنينـي
وين انت ياللي تستحق الزعامه ... يافزعة المضهود نعم العوينـي
ياخادم البيتيـن فخـر الإمامـه ... حبل الرجا ممدود بينـك وبينـي
أجبر كسر قلبي وحقق مرامـه ... أفزع فديتك تكسب الأجر فينـي
تكفا ياابو متعب مقرّ الشهامـه ... الحيل واهن والزمـن مبتلينـي
قلبي ورا قضبان سجن المنامـه ... ردّه عليّ تزيـن باقـي سنينـي
قصيدة من ام هزت الملك عبدالله لتخرج ابنها من السجن 
العرض العادي
