يـامـل قـلـب يـسـج وفـيــه دولاجـــه
مـن هاجـسٍ بالضمايـر قـام يدرجهـا
في معزلٍ عن جميع الخلق وازعاجه
ما اسمع من الناس لو تكثر لجالجها
ما غير اهوجس تقول مضيـعٍٍ حاجـه
واخذ واسّنـد علـى روحـي واهرّجهـا
وادوج لـو كـان مـا رجـلـي بـدواجـه
أدّلـــه الـنـفـس لــيــن الله يـفـرجـهـا
تفـرج لعـيـن لـيـا نـامـتiبسوهـاجـه
تجهز عليها الطـواري ليـن تزعجهـا
بالصدر ضيقة ونـوم العيـن هملاجـه
عينـي مـن العـام والسهـر متوّلجـهـا
نـوبٍٍ سهرهـا شديـد ونـوبٍٍ نهـاجـه
مّــرّ تـكــنّ الـدمــع ومـــر تزعـجـهـا
علـيـك يالـلـي بقلـبـي كــنّ وهّـاجــه
وهـاج نـار هــوا الغـربـي يسارجـهـا
أبــو ثـمـانٍ تـشـادي اللـولـو لعّـاجـه
كن البـرد يـوم يضحـك فـي مفالجهـا
قلـبٍ يناجيـك بسلـوم الـهـوى نـاجـه
يشكـي لـك الحـال داخلهـا وخارجهـا
إما التفت لـه وتـم الوصـل بامواجـه
والا بـــلا عـشــرة هـــذي نتـايـجـهـا
وش ينفعك من حنين القلب وخلاجه
وجروحي اسبابها انـت ولا تعالجهـا
شعر عبدالله بن عون
يـامـل قـلـب 
العرض العادي
