كم من صقر وقت الشدايد دجاجه؟؟؟
طابت اوقاتكم بكل خير <<كلمات اعجبتني وقمت بنقلها لكم >>
ما كل من يضحك بدنيـاه مسـرور
لو ضحكته دايـم تحـرك حجاجـه
وما كل من يبكي من الناس مقهـور
بعض الدموع رخاص من شان حاجه
وما كل صادق لو حكا لك من شعور
يا كثر من زيف المشاعـر خراجـه
وما كل ما يخفا من السـر مستـور
بعض الوجيه ابين من ارهف زجاجه
وما كل بيتٍ بابه انصـك مهجـور
كم بيتٍ اطفا الشح واهـج سراجـه
وما كل وردٍ تزرعه ينثـر عطـور
لو ماه صافي مـا يخالـط هماجـه
وما كل مرهف قلب لو يزرع زهور
قلب يحب الورد وهو مثـل صاجـه
وما كل من يخطي من الناس معذور
البعض يخطي من علـوم العواجـه
وما كل من يسكت على الظيم مجبور
لجل الغلا ساكت ويدعـي انفراجـه
وما كل راسٍ ضيع الفكر مسحـور
كم راس سحر الحب جاب ارتجاجـه
وما كل عله فادهـا طـب دكتـور
كم من عليلٍ وصـل خلـه علاجـه
وما كل من شاور حكيمٍ خذا الشـور
بعض البشر مـا يقنـع الا مزاجـه
وما كل من سمي صقر يشبه صقور
كم من صقر وقت الشدايـد دجاجـه
وما كل فزاع لجـل مـدح مشكـور
البعـض مرجلتـه وسامـه وتاجـه
كم من صقر وقت الشدايد دجاجه؟؟؟ 
العرض العادي
