يا متعب القلب قلي ويـش غلطاتـي ,,
ان كنت انا اقـدر اعدلهـا .. بعدلهـا ’"
لاصرت تجهل عناء الدنيا .. وضيقاتي ,,
من دون ماشرح لك اوضاعي تأملهـا ’’
الوقت ضدي .. حرمني مـن ملذاتـي ,,
والصد بعدك ذبح روحـي .. وكملهـا ’’
لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألها ’’
يسكني الحب .. واضح من عباراتـي ,,
وش عاد لجلـك حروفـي لـو أذللها ’’
عذبني الشـوق واسرفـت بخيالاتـي ,,
نفسٍٍ تحبك دخيلك ليـش .. تهملهـا ’’
ياليتك إشوي تشعـر فـي معاناتـي ,,
دنياك يمكن عليـك تضيـق باكملهـا ’’
الحزن كنـه سفيـري فـي علاقاتـي ,,
والهم خيّم علـى حالـي .. وطولهـا ’’
اغديت دربي وتاهت فيـك خطواتـي ,,
كل المواعيد مـدري ليـش تأجلهـا ’’
سنين احاول وضاعت كـل حيلاتـي ,,
ماتدري اني ( حيـاة الـذّل ) مقبلهـا ’’
لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’
لا تتـرك الظـن يلعـب باحتمالاتـي ,,
الكلمه اللي تحـزّ بخاطـرك .. قلهـا ’’
تعال شفني وحـس بحـال لوعاتـي ,,
كن الدقايـق بدونـك عـام مطولهـا ’’
متى التباشير بقدوم ( الغـلا ) تاتـي ,,
فرحة زمانـي بشوفـك مـا تخيلهـا ’’
خلاص صبري تعـدى كـل هقواتـي ,,
اتعبت روحـي اعزيهـا .. وعذلهـا ’’
ابيـك تنسـى وتدمـح كـل زلاتـي ,,
بعض البشر صعب مانقـدر نزعلهـا ’’
والحين جيتك ابمسـح كـل غلطاتـي ,,
دنيـاي دونـك وربـي ماتحملـهـا
اتمنى ان تنال اعجابكم كما اعجبتني
يا متعب القلب 
العرض العادي
